Жыхар Баранавічаў атруціўся, паеўшы хатніх кансерваў — марынаваных агуркоў і памідораў. У яго выявілі батулізм. Выратавалі мужчыну дзякуючы своечасовай медыцынскай дапамозе, а выпісалі з бальніцы толькі на 12 суткі, піша Blizko.by.
Гігіеністы нагадваюць, што батулізм — гэта смяротна небяспечнае харчовае атручэнне, якое ўзнікае з-за ўжывання прадуктаў, заражаных палачкамі батулізму. У закатаных кансервах яны выпрацоўваюць таксін Clostridium botulinum — па сутнасці, яд, які пераўзыходзіць усе іншыя бактэрыяльныя таксіны і нават хімічныя яды і выклікае цяжкае паражэнне цэнтральнай нервовай сістэмы.
Clostridium botulinum устойлівы да высокіх канцэнтрацый солі (да 18%), не знішчаецца ў прадуктах, якія змяшчаюць спецыі. Адзінае, што можа яго забіць, — кіпячэнне на працягу 20—30 хвілін.
Труцяцца людзі часцей за ўсё хатнімі кансервамі, напрыклад, марынаванай гароднінай або грыбамі. Таксама можна атрымаць атручэнне вяленымі прадуктамі і рыбай.
Чытайце таксама:
На пажары ў Пінскім раёне загінула маці з двума малымі дзеткамі
Не разгубіўся і стаў даганяць. У Мінску чалавек дапамог затрымаць злачынцу
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)
а я чытала, што кіслая срэда
то бок салёныя кансервы могуць быць небяспечны, а марынаваныя (з дадаваннем воцату) не