Ілан Маск. Фота: Susan Walsh / AP
Першы чалавек атрымаў нейрачып Neuralink, які дазваляе з дапамогай думак выкарыстоўваць гаджэты, паведаміў Ілан Маск у X.
«Учора першы чалавек атрымаў імпланты ад Neuralink і добра аднаўляецца. Першапачатковыя вынікі паказваюць шматабяцальнае выяўленне нейронавых спайкаў», — напісаў ён.
Па словах Маска, прадукт называецца «Тэлепатыя», дзякуючы яму можна «проста падумаўшы» кіраваць тэлефонам, камп'ютарам або іншай прыладай.
Праект Neuralink быў запушчаны ў 2016 годзе. Свой прыбор, які здольны перадаваць сігналы мозгу па Bluetooth, яна ўпершыню паказала ў ліпені 2019-га.
Прылада ўяўляе сабой капсулу-прыёмнік, якая будзе мацавацца за вухам, як слыхавы апарат, і ад якой да мозгу будуць ісці ніткападобныя электроды. Усяго ў мозг імплантуюць да 1,5 тысяч электродаў, кожны з якіх у чатыры разы танчэйшы за чалавечы волас.
Адзін працэсар велічынёй 4х4 мм апрацоўвае інфармацыю з 10 тысяч электродаў. Кабель USB-C забяспечыць максімальную прапускную здольнасць для перадачы даных.
Чытайце таксама:
Высветлілася, колькі будзе каштаваць ўстаноўка чыпа Neuralink ад Ілана Маска для звычайных людзей
Устань і ідзі. Кампанія Ілана Маска пачне выпрабаванні мазгавых імплантаў на людзях
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)