Pamierła dziaŭčyna, jakaja trapiła pad koły aŭtamabila kala fiłijała BDU
Jaje źbili na piešachodnym pierachodzie dva dni tamu.
01.12.2012 / 15:09
30 listapada, u 22.00, u reanimacyi niejrachirurhičnaha addzialeńnia BSMP pamierła 17-hadovaja dziaŭčynka, jakaja trapiła pad koły aŭtamabila kala fiłijała BDU.
Pieršakurśnica była dastaŭlena ŭ balnicu ź ciažkimi traŭmami, u tym liku i ź pierałomam asnovy čerapa. Daktary zmahalisia za jaje žyćcio, joj była praviedziena składanaja apieracyja. Amal sutki jana praviała ŭ komie.
30 listapada ŭ 22.00 Ania pamierła. Joj było 17 hadoŭ.
Nahadajem, avaryja adbyłasia 29 listapada niepadalok ad fiłijała BDU, na nierehulavanym piešachodnym pierachodzie na vulicy Kurčatava. Dziaŭčyna vyjšła z aŭtobusa na prypynku hramadskaha transpartu i sabrałasia pierasiakać prajeznuju častku, kali jaje źbiŭ Peugeot 406.
Kiroŭca nie zmoh patłumačyć, jak heta adbyłosia.