Аляксандр Гутар хоча сысці з БАТЭ
22.12.2012 / 17:20
Агент галкіпера БАТЭ Аляксандра Гутара Алег Яромін распавёў, што яго кліент накіраваў у Беларускую федэрацыю футбола ліст з просьбай скасаваць кантракт з БАТЭ.
- Аляксандр Гутар [найлепшы футбаліст Беларусі 2011 года, які ў пачатку гэтага сезона саступіў месца ў браме Андрэю Гарбунову] накіраваў ліст у АБФФ з просьбай скасаваць яго кантракт з БАТЭ.У адпаведнасці з палажэннем аб трансферах Беларускай федэрацыі футбола гулец, які на працягу спартыўнага сезона згуляў менш за дзесяць адсоткаў афіцыйных матчаў клуба, мае права на аднабаковае скасаванне кантракту і пераход у іншую каманду. Саша вырашыў скарыстацца гэтым пунктам заканадаўства. (...)
БАТЭ абавязаны яго звольніць, разлічыць і выдаць працоўную кніжку на рукі.Працэс разгляду гэтага пытання ў футбольных інстанцыях не павінен адлюстроўвацца на кар'еры гульца.
- Якія варыянты працягу кар'еры ёсць у вашага падапечнага?
- Ёсць некалькі магчымых варыянтаў працягу яго кар'еры. Падкрэсліваю? магчымых. Цяпер Саша хоча скасаваць кантракт з БАТЭ, а потым займацца прапрацоўкай варыянтаў пошуку новага клуба.