Samyja papularnyja dziciačyja imiony ŭ Minsku — Arciom i Maryja
Siarod redkich imionaŭ — Vitaŭt, Marsel, Kievin.
12.01.2013 / 11:29
Minčanie ŭ 2012 hodzie čaściej za ŭsio nazyvali dziaciej Arciomam, Alaksiejem, Maryjaj i Hannaj.Pra heta paviedamiła načalnik addzieła pravavoha absłuhoŭvańnia hramadzian, arhanizacyj i ideałahičnaj raboty hałoŭnaha ŭpraŭleńnia justycyi Minharvykankama Alena Suško.
Taksama siarod papularnych imionaŭ — Darja, Safija, Anastasija, Maksim, Daniił, Uładzisłaŭ.
Redkija mužčynskija imiony — Vitaŭt, Prochar, Marsel, Kievin, žanočyja — Słaviana, Lubava, Ahrypina, Sielin.
Usiaho ŭ 2012 hodzie ŭ zahsach zarehistravana bolš za 25,1 tys. naradžeńniaŭ, što na 1,5 tys. bolš, čym u 2011 hodzie. Bolš za ŭsio dziaciej naradziłasia ŭ Maskoŭskim i Frunzienskim rajonach, dzie aktyŭna viadziecca žyllovaje budaŭnictva. Samaj maładoj maci spoŭniłasia 16 hadoŭ, samaj stałaj — 47, samomu maładomu baćku było 18, samomu stałamu — 58 hadoŭ.
Što tyčycca zaklučeńnia šlubu, to ŭ Minsku
letaś aformili adnosiny bolš jak 15,5 tys. par, u tym liku 1 227 šlubaŭ byli zaklučany z zamiežnikami, 70 — ź niepaŭnahodavymi.