U 2012 małym prymiežnym rucham skarystalisia 8 tysiač łatyšoŭ i ŭsiaho 100 biełarusaŭ

16.01.2013 / 20:14

Za 10 miesiacaŭ 2012 biełaruska-łatvijskuju miažu ŭ sproščanym paradku pierasiekli bolš za 8100 łatyšoŭ i prykładna 100 biełarusaŭ. U siarednim kožny łatyš pa dzieviać razoŭ ujazdžaŭ u Biełaruś, biełarusy ž vykarystoŭvali prava sproščanaha ŭjezdu našmat radziej, paviedamiŭ BiełaPAN pamočnik načalnika Połackaha pahraničnaha atrada Dzianis Hlebka.

Pahadnieńnie pamiž uradami Biełarusi i Łatvii ab sproščanym paradku ŭzajemnych pajezdak žycharoŭ pamiežnych terytoryj ustupiła ŭ siłu 1 lutaha 2012 hoda. U kancy lutaha konsulstvam Łatvii ŭ Viciebsku byli vydadzienyja pieršyja dazvoły na miascovaje pryhraničnaje pieramiaščeńnie.

U prymiežnuju terytoryju Biełarusi ŭklučanyja sielsaviety troch rajonaŭ — Vierchniadźvinskaha, Miorskaha i Brasłaŭskaha (Viciebskaja vobłaść), a taksama harady Vierchniadźvinsk, Miory, Brasłaŭ i pasiołak Vidzy. Z boku Łatvii heta harady Daŭhaŭpiłs, Dahda, Krasłava i Ziłupie, a taksama šerah pryhraničnych vałaściej Ahłonskaha, Dahdskaha, Daŭhaŭpiłskaha, Ziłupskaha, Krasłaŭskaha, Łudzienskaha, Rezeknienskaha i Iłukstskaha krajoŭ.