Čaćviora ratavalnikaŭ paciarpieli ad vybuchu ŭ Homielskim rajonie
Zahareŭsia niežyły dom, u im byli jomistaści z haruča-zmazačnymi materyjałami.
25.01.2013 / 12:01
Čaćviora supracoŭnikaŭ MNS paciarpieli 24 studzienia pry tušeńni pažaru ŭ niežyłym domie ŭ vioscy Klimaŭka Homielskaha rajona.
Jak paviedamili BiełaPAN u Homielskim abłasnym upraŭleńni MNS, ratavalnikaŭ nie papiaredzili, što ŭ padsobnym pamiaškańni doma byli jomistaści z haruča-zmazačnymi materyjałami, i pry likvidacyi pažaru zdaryŭsia vybuch.
Ratavalniki atrymali apioki tvaru 1—3-j stupieni, im akazana miedycynskaja dapamoha, špitalizacyja nie spatrebiłasia. Mietaličnuju bočku, što znachodziłasia ŭ domie, adkinuła vybuchovaj chvalaj na 100 mietraŭ.