Замак Вітаўта за 30 000 рублёў
Інжынер і гісторык з Гродна прыдумалі цацку для дзяцей.
26.02.2013 / 14:24
Інжынер з Гродна Ігар Адасік з паменшанай мадэллю Старога замка. Фота tutgrodno.com
Два гады таму інжынер з Гродна Ігар Адасік стварыў з паперы паменшаную мадэль Старога замка. Праца заняла ў яго паўгода. На гэтым ён не спыніўся і праз год з’явілася мадэль замка ў Геранёнах.
«А потым Ігар зрабіў папяровую мадэль замка Вітаўта для свайго дзіцяці», — расказвае гісторык Дзмітрый Кіенка. Ён і прапанаваў Ігару Адасіку рабіць такія цацкі для іншых дзяцей.
«Робім камплекты, у якія ўваходзіць мадэль замка і магніцік з яго выявай. Каштуе камплект 30 тысяч», — кажа Дзмітрый.
Тым, хто зацікавіўся, можна звяртацца па тэлефоне +375 29 352 07 52 (vel), або напісаць на e-mail: almer@tut.by.