Svarka biełaruskaj siamji ŭ ZŠA skončyłasia zabojstvam

01.08.2007 / 11:47

Svarka biełaruskaj siamiejnaj pary, jakaja pražyvała ŭ Ešvile (ZŠA, Paŭnočnaja Karalina), paciahnuła śmierć žonki. Takuju papiaredniuju viersiju palicyi raspaŭsiudziła 1 žniŭnia amierykanskaja hazieta «Sityzien Tajms»

U niadzielu, 29 lipienia, Dźmitryj Simanovič pryznaŭsia palicejskamu ŭ zabojstvie 26‑hadovaj žonki. Cieła zahinułaj było znojdziena kala łožka ŭ spalni. Jak pakazała anatamavańnie, Ina Simanovič była zadušana. Žančyna była na trecim miesiacy ciažarnaści. U pary ŭžo jość dva maleńkija dziciaci, jakija, pavodle infarmacyi palicyi, nie źjaŭlajucca im rodnymi.

Ina mieła vid na žycharstva ŭ ZŠA, Dźmitryj znachodziŭsia ŭ krainie niekalki miesiacaŭ, termin dziejańnia jaho vizy zakančvajecca ŭ lutym 2008 hoda.

Paśla papiaredniaj dačy pakazańniaŭ biełarusu inkryminujuć naŭmysnaje zabojstva, za jakoje praduhledžana pakarańnie śmierciu abo pažyćciovaje turemnaje źniavoleńnie.

BiełaPAN