У мінчанкі з кішэні курткі, што ляжала на дачы, скралі 53 млн рублёў
18.03.2013 / 15:23
Калі адбыўся крадзеж – невядома. Апошні раз жанчына бачыла свае грошы 9 студзеня.
Жанчына – мінчанка. Сын яе жыве ў Чысці. Іх дача знаходзіцца ў вёсцы Вялікі Бор Маладзечанскага раёна.
Перыядычна яны там бываюць. Сын яе амаль кожны дзень, бо на дачы жыве сабака, якога трэба карміць. Маці ж яго – радзей.
На дачы жанчына хавала свае грошы (амаль 53 мільёны рублёў). Яны ляжалі ў куртцы, што вісела на крэсле.
Калі ж яна прыехала 15 лютага ў чарговы раз у Вялікі Бор, грошай не знайшла. Як потым выявілася, яе сын два разы прыязджаў на дачу разам з сябрамі.
У доме ніякіх прыкмет узлому няма.