Гандбол. БГК выбыў з чэмпіёнскай гонкі

19.04.2013 / 20:54

У мінскім Палацы спорту 19 красавіка прайшоў матч чэмпіянату краіны па гандболе паміж «Дынама» і Брэсцкім гандбольным клубам (БГК) імя Мяшкова. «Дынама» без праблемаў перамагло 36:28 (першы тайм — 20:11).

СКА, Дынама — 31 (18 гульняў), БГК — 24 (17), Вікторыя-Рэгія — 14, Кронан — 8, ГК імя Лёвіна — 0.

БГК страціў нават тэарэтычныя шанцы не толькі на чэмпіёнства, але і срэбра.

«Дынама» і СКА разыграюць золата і срэбра.

5 мая згуляюць БГК — СКА. 13 мая «Дынама» згуляе з «Кронанам» у гасцях. А 22 мая — матч СКА — «Дынама».

Дзесяціразовы чэмпіён Беларусі СКА апошні раз заваёўваў залатыя медалі нацыянальнага першынства ў 2002 г., затым пяць разоў запар быў чэмпіёнам БГК (2003–2008), «Дынама» — чатырохразовы чэмпіён краіны (2009, 2010, 2011, 2012).