У Гродне жанчына пазычыла ў даверлівых грамадзян $200 тыс
Яна заключала з імі дамовы, грошы брала пад высокія працэнты.
22.05.2013 / 14:33
Схему свайго «бізнэсу» жанчына не хавала, гаварыла, што мае магчымасць набываць па нізкай цане талоны і праязныя білеты, якія прадае па звычайным кошце.
Па яе словах, у Гродне яна мае некалькі кропак, дзе рэалізуюцца талоны і білеты. Людзі верылі і давалі грошы.Спачатку яны рабіла невялікія выплаты па працэнтах, а пасля пераставала плаціць. Ашуканыя гродзенцы высветлілі, што ніякімі талонамі жанчына не гандлявала, а яны сталі ахвярамі махляркі, якая арганізавала фінансавую піраміду.
Як піша сайт s13.ru, дзясяткі пацярпелых напісалі заявы ў міліцыю, але прайшоў месяц, а іх дагэтуль не апыталі. Людзі баяцца, што махлярка можа з’ехаць за мяжу.