Дэкан Полацкага ўніверсітэта браў на іспытах хабар у еўра
31.05.2013 / 11:19
Упраўленнем СК па Віцебскай вобласці завершана расследаванне крымінальнай справы ў дачыненні да выкладчыка Полацкага дзяржаўнага ўніверсітэта.
З лютага 2008 года па верасень 2010 года ён, займаючы пасаду дэкана аднаго з факультэтаў, атрымліваў хабар за спрыяльнае вырашэнне пытанняў, звязаных з абаронай кантрольных прац і здачай экзаменаў.
Устаноўлена, што, прымаючы іспыты ў студэнтаў, ён выстаўляў у ведамасці станоўчыя ацэнкі, беручы пры гэтым хабар ад 90 да 100 еўра.
Дзеянні выкладчыка ВНУ кваліфікаваныя следствам на падставе арт. 430 КК (атрыманне хабару). Справа перададзена пракурору для накіравання ў суд.