U Barysavie šukajuć niezarehistravanyja arhanizacyi
Prakuratura Barysaŭskaha rajonu vyniesła aficyjnaje papiaredžańnie ab niedapuščalnaści parušeńnia zakonu staršyni miascovaj supołki Partyi BNF Siarhieju Sałašu.
07.09.2007 / 10:49
3 vieraśnia prakuratura Barysaŭskaha rajonu vyniesła aficyjnaje papiaredžańnie ab niedapuščalnaści parušeńnia zakonu staršyni miascovaj supołki Partyi BNF Siarhieju Sałašu.
U papiaredžańni na imia Sałaša pišacca: “U chodzie pravierki, praviedzienaj prakuraturaj Barysaŭskaha rajonu, ustanoŭlena, što Vy źiaŭlajeciesia ŭdzielnikam “HK “Za čysty Barysaŭ!” Dadzienaja hramadzkaja inicyjatyva zhodna ź listom Ministerstva justycyi nie rehistravałasia”.
Sałaša papiaredžvajuć, što ŭ vypadku nievykanańnia patrabavańniaŭ jon moža być pryciahnuty da kryminalnaj adkaznaści pa artykule 193 KK “Udzieł u nazarehistravanaj arhanizacyi”. List padpisany prakuroram rajonu Špakoŭskim.
Raniej pa hetym samym artykule sudzili siabroŭ niezarehistravanych arhanizacyjaŭ “Partnerstva” i “Małady front”.