U Minsku pjanaja kampanija na Opel źniesła 7 mietraŭ bietonnaj aharodžy — foty
U DTZ abyšłosia biez paciarpiełych. Pavodle papiaredniaj viersii, kiroŭca i jaho pasažyry byli pjanyja.
27.08.2013 / 15:23
Avaryja adbyłasia 26 žniŭnia prykładna ŭ 17.30 na vulicy Kamiennahorskaj, paviedamlaje auto.tut.by.
Aŭtamabil Opel Omega na tranzitnych numarach ździejśniŭ źnios kala 7 mietraŭ bietonnaj aharodžy. Ad udaru mašynu vyniesła na pałasu sustrečnaha ruchu.
Pa słovach kiroŭcy, nieviadomy na Peugeot padrezaŭ aŭto, paśla čaho adbyłosia sutyknieńnie z aharodžaj. U Opel surjozna paškodžany pravy bok: piaredniaje koła praktyčna całkam vyrvanaje, źmiatyja dźviery i prabita zadniaje koła.
Nichto z čatyroch ludziej, jakija znachodzilisia ŭ mašynie, nie paciarpieŭ. Usie jany byli pryšpilenyja ramianiami biaśpieki. Paduški biaśpieki nie spracavali. Pavodle papiaredniaj infarmacyi, usie pasažyry i kiroŭca byli pjanyja. Mašynu dastavili na štrafstajanku, kiroŭcu — na miedycynski ahlad.
Vyśvietliłasia, što małady čałaviek nie maje paśviedčańnia kiroŭcy.