Анішчанка — фас!

У галоўнага санітарнага ўрача Расіі з'явіліся заўвагі да якасці беларускай малочнай прадукцыі.

28.08.2013 / 15:30

У расейскай санітарнай службы ёсць заўвагі да якасці малочнай прадукцыі, якая паступае на рынак Расіі з Беларусі,
заявіў галоўны дзяржаўны санітарны ўрач Расіі Генадзь Анішчанка.

«Толькі ў Маскоўскай вобласці было абследавана 240 узораў беларускай малочнай прадукцыі. З іх 72 ўзору або 30% не адпавядалі па паказчыках якасці і бяспекі», — заявіў ён.

Прэтэнзіі ёсць да тварагу і масла ад «Савушкава прадукта» і «ГМЗ № 1» Мінска і іншых беларускіх прадпрыемстваў.

Папярэдняя беларуска-расійская вайна адбылася ў 2009 годзе.