Indyja viadzie pieramovy pra kuplu 20% «Biełaruśkałija»
Pra heta paviedamiŭ dyrektar indyjskaha Centra pa raźvićci «zialonych» technałohij i kiravańnia Sukumaran Nair.
10.09.2013 / 13:22
Zajava prahučała na VI mižnarodnaj kanfierencyi «Minieralnyja ŭhnajeńni» ŭ Maskvie, pieradaje infarmahienctva «Prajm». Nair rastłumačyŭ, što maje infarmacyju «ad kampanij, jakija viaduć pieramovy».
Pa iaho słovach, 20% akcyj «Biełaruśkałija» — hety «pačatak, z iakoha pačali pieramovy».
«Jak my razumiejem, heta toje, na što moža pajści biełaruski bok», — dadaŭ indyjski pradstaŭnik.
Uvosień 2012 hoda Alaksandr Łukašenka paviedamiŭ, byccam Biełaruś viadzie pieramovy ab prodažy pakieta akcyj «Biełaruśkałija» z piaciu kampanijami — z Indyi, Kitaja, Jeŭropy, arabskich krain. Na toj momant, pa słovach biełaruskaha kiraŭnika, košt «Biełaruśkałija» aceńvaŭsia ŭ 33–36 miljardaŭ dołaraŭ.
Vyhladaje, što indyjskich biznesoŭcaŭ nie pałochaje skandał z zatrymańniem hiendyrektara «Urałkałija» Uładzisłava Baŭmhiertniera.