Дж.Кэмеран лічыць «Гравітацыю» найлепшым фільмам пра космас + трэйлер
25.09.2013 / 09:22
Навукова-фантастычны трылер «Гравітацыя» Альфонса Куарона, прадэманстраваны на адкрыцці Венецыянскага кінафестывалю, атрымаў станоўчыя водгукі не толькі ад журналістаў, але і ад прызнанага мэтра рэжысуры Джэймса Кэмерана. Стваральнік «Аватара» выказаў меркаванне, што «Гравітацыя» — гэта найлепшы фільм пра космас у гісторыі кіно.
Галоўныя ролі ў навукова-фантастычным трылеры «Гравітацыя» Альфонса Куарона выканалі Сандра Булак і Джордж Клуні.
На стварэнне стужкі пра касмічную аварыю і барацьбу астранаўтаў за ўласныя жыцці ў рэжысёра Альфонса Куарона сышло некалькі гадоў. Вынік, мяркуючы па захопленых водгуках прэсы, акрэдытаванай на Венецыянскім кінафестывалі, перасягнуў самыя смелыя чаканні і прагнозы.
У шырокі пракат фільм бюджэтам $80 млн выходзіць у кастрычніку. Прэм'ера ў Мінску запланавана на 3 кастрычніка.