Памерла 34-гадовая спартсменка Ірына Чарнушэнка-Стасюк

07.12.2013 / 18:03

Пра гэта паведамляецца на сайце Беларускай федэрацыі лёгкай атлетыкі.

«На 35-м годзе пайшла з жыцця шматразовая чэмпіёнка Рэспублікі Беларусь, Майстар спорту міжнароднага класа ў скачку ў даўжыню, пераможца Кубка Еўропы, удзельніца Алімпійскіх Гульняў у Пекіне. Жыццё яе было імклівае і прыгожае, як скачок у даўжыню… Шмат што паспела зрабіць, была байцом з жалезным характарам…», — гаворыцца ў паведамленні.