Ukraincy złavili rasiejskaha sałdata ŭ svajoj vajskovaj častcy ŭ Krymie FOTA
05.03.2014 / 20:06
Ukrainskija vajskoŭcy zatrymali na terytoryi svajoj vajskovaj častki rasijskaha vajskoŭca, piša «Ukrainskaja praŭda».
Pra heta paviedamlaje na svajoj staroncy ŭ Facebook deputat ad «Baćkaŭščyny» Uładzimir Arjeŭ.
«Ukrainskija vajskoŭcy zatrymali na terytoryi svajoj v/č adnaho «zialonaha čałaviečka». Rasijski vajskoviec z charakternym proźviščam Miadźviedzieŭ. Dokazy interviencyi RF. Šajhu — chłus», — napisaŭ jon.
U paniadziełak prezident RF Uładzimir Pucin zapeŭnivaŭ, što ŭ Krymie niama rasijskich vajskoŭcaŭ.
Ministr abarony Rasii Siarhiej Šajhu ŭ aŭtorak nazvaŭ pravakacyjaj i hłupstvam fatahrafii, dzie vajskoŭcy biez apaznavalnych znakaŭ, jakija znachodziacca na terytoryi Ukrainy, pryznajucca, što jany z Rasii.
Cikava, što rodam złoŭleny Miadźviedzieŭ z Aršanskaha rajona. Praŭda, nie Biełarusi, a rasiejskaj respubliki Mary Eł.