Rasiejcy šturmujuć vajskovuju častku ŭ Krymie: adzin ŭkrainiec zabity, druhi paranieny
18.03.2014 / 19:41
Padčas šturmu ŭkrainskaha fotahramietryčnaha centra ŭ Simfieropali byŭ zabity adzin čałaviek.
Pra heta paviedamiŭ kiraŭnik miedyja-centra Minabarony Ukrainy ŭ Krymie Uładzisłaŭ Sielaźnioŭ.
«Adzin čałaviek zabity ŭ chodzie šturmu. Heta praparščyk. Jon nios słužbu na terytoryi vajskovaha parku», — zajaviŭ jon.
«Paranieny kapitan, jaho nakiravali ŭ balnicu chutkaj dapamohi Simfieropala», — dadaŭ Sielaźnioŭ.
«Usie vajennyja aryštavanyja. U ich zabrali dakumienty, hrošy. Ich vyvieli, pastavili ŭ šycht i zabrali zbroju», — adznačyŭ jon.
Da paranienaha doŭha nie puskali chutkuju dapamohu, taksama nie davali pracavać žurnalistam.
U Simfieropali šturmujuć fotahramietryčny centr Upraŭleńnia centralnaha vajenna-tapahrafičnaha i navihacyjnaha Hałoŭnaha ŭpraŭleńnia apieratyŭnaha zabieśpiačeńnia Uzbrojenych Sił Ukrainy.
Z voknaŭ damoŭ kala abjekta stralali rasiejskija snajpiery.