Беларусь і Літва абмеркавалі перспектывы спрашчэння візавых фармальнасцей
22.03.2014 / 11:00
Перспектывы магчымага спрашчэння візавых фармальнасцей абмяркоўваліся 21 сакавіка ў Вільнюсе на чарговых беларуска-літоўскіх консульскіх кансультацыях.
Асобная ўвага была ўдзеленая таксама абмеркаванню перспектыў стварэння механізму рэадмісіі ў фармаце «Беларусь — ЕС».
Бакі абмеркавалі шырокае кола пытанняў узаемадзеяння консульскіх службаў Беларусі і Літвы, адзначылі высокі ўзровень і эфектыўнасць кантактаў, абмяняліся меркаваннямі аб далейшых напрамках супрацоўніцтва.
Беларускю дэлегацыю ўзначаліў начальнік галоўнага консульскага ўпраўлення МЗС Ігар Фісенка, літоўскую — дырэктар консульскага дэпартамента МЗС Андрус Пулокас. Акрамя таго, у перагаворах прынялі ўдзел супрацоўнікі міністэрстваў унутраных спраў, знешнепалітычных ведамстваў і дыпламатычных прадстаўніцтваў дзвюх краін.