Biełarus prarvaŭsia ŭ Litvu, źbiŭšy čatyry pamiežnyja šłahbaumy

24.04.2014 / 09:30

Zdareńnie adbyłosia ŭviečary 23 krasavika ŭ prapusknym punkcie «Pryvałka».

Jak piša sajt autogrodno.by, «Sitrajen Džampier» z biełaruskimi numarami na vialikaj chutkaści pasprabavaŭ prarvacca praz miažu, kab patrapić u Litvu.

Kiroŭca źbiŭ dva šłahbaumy na biełaruskaj miažy. Pierad trecim šłahbaumam pamiežniki paśpieli kinuć śpiecpryładu i prabili ŭsie čatyry koły mikraaŭtobusa.

Adnak aŭtamabil źbiŭ treci šłahbaum na biełaruskaj miažy i zajechaŭ na litoŭski bok. Tam jon źnios jašče adzin, litoŭski šłahbaum i tolki tady spyniŭsia.

Pavodle papiaredniaj infarmacyi, kiroŭca byŭ pad uździeiańniem narkotykaŭ.