«Казачны сьвет» у Менску
13 лістапада ў сталіцы стартуе фэстываль дзіцячага швэдзкага кіно, прысьвечаны 100-гадоваму юбілею Астрыд Ліндгрэн. Усе фільмы — у беларускім перакладзе.
09.11.2007 / 15:40
Астрыд Лідгрэн |
13 лістапада ў сталіцы стартуе фэстываль дзіцячага швэдзкага кіно, прысьвечаны 100-гадоваму юбілею Астрыд Ліндгрэн. Усе фільмы — у беларускім перакладзе.
Знакамітая казачніца ўмела не проста прыдумляць цікавыя гісторыі, яна разумела пачуцьці і патрэбы дзяцей, валодала рэдкай здольнасьцю казаць пра складаныя філязофскія праблемы з пазыцыі дзіцяці. А яе героі — Малы і Карлсан, Пэпі доўгая панчоха і Калі Блюмквіст — назаўсёды засталіся ў памяці цэлых пакаленьняў.
Увазе маленькіх гледачоў прапаноўваюцца фільмы па матывах твораў Астрыд Ліндгрэн.
Так, 13 лістапада вы можаце праглядзець «Маленькага Нільса і Карлсана» (прыгоды хлапца, які аднойчы пачуў шоргат пад ложкам і ўбачыў там зьбянтэжанага маленькага хлопчыка). 14 лістапада адбудзецца паказ фільму «Ўсе нашы дзеці з Булербю» (прыгоды сяброў у пошуках кладаў на востраве; гэта фільм пра дзяцей, для дзяцей і для тых дарослых, якія памятаюць, што значыць быць малым). А 15 лістапада вас чакае стужка «Браты Львінае сэрца» (пра братоў, якія пасля смерці сустрэліся ў чарадзейнай краіне Нангіяле, дзе адважваюцца дапамагчы мясцовым жыхарам, якія церпяць ад ад чорнага рыцара Тэнгіла і ягонага цмока Катлы).
Усе фільмы маюць англійскія субтытры і беларускі пераклад.
Паказы адбудуцца ў кінатэатры «Цэнтральны» у 11.00 і 15.30.