Меркель: Германія гатовая без ваганняў узмацніць санкцыі супраць Расіі
04.06.2014 / 21:45
Санкцыі супраць Расіі будуць больш жорсткімі ў выпадку эскалацыі канфлікту ва Украіне.
Пра гэта перад пачаткам саміту G7 у Брусэлі заявіла канцлер Германіі Ангела Меркель.
Паводле яе слоў, адсутнасць дастатковага кантролю мяжы (украінска-расейскай) дазваляе пранікаць ва Украіну з расейскай тэрыторыі баевікам, якія дэстабілізуюць сітуацыю.
«Калі гэта не спыніцца, мы без ваганняў выкарыстаем дадатковыя санкцыі, — заявіла яна. — Прынцыпова важным з'яўляецца выкарыстанне прэзідэнтам Пуціным свайго ўплыву, каб прымусіць сепаратыстаў устрымацца ад гвалту і запалохвання, здаць зброю і спыніць захоп адміністрацыйных будынкаў».
Раней паведамлялася, што на саміце G7 у Брусэлі 4-5 чэрвеня кіраўнікі дзяржаў маюць намер узмацніць санкцыі супраць Расіі з-за яе дзеянняў ва Украіне.