У Лагойскім раёне зьнікла сямігадовая дзяўчынка
Па факце зьнікненьня распачата крымінальная справа. У пошуку дзяўчынкі ўдзельнічаюць больш за 150 салдат і супрацоўнікі міліцыі, якія прачэсваюць мясцовасьць.
26.11.2007 / 16:31
Як паведамілі БелаПАН у прэс‑службе МУС, справа распачата на падставе заявы маці дзяўчынкі, якая ў пятніцу, 23 лістапада, паведаміла, што яе дачка не вярнулася са школы. Міліцыя разглядае некалькі версій здарэння.
Паводле слоў дзяжурнага УУС Лагойскага раёна, пошукі дзяўчынкі вядуцца з 23 лістапада. У вышуку ўдзельнічаюць больш за 150 салдат і супрацоўнікі міліцыі, якія прачэсваюць мясцовасць. У аперацыі таксама задзейнічаны вадалазы, якія абследуюць мясцовае возера, і верталёт.