Ludzi ŭ Aŭstralii nachilili ciahnik, kab vyratavać čałavieka VIDEA
08.08.2014 / 18:24
U aŭstralijskim horadzie Piert pasažyry stancyi dapamahli vybracca z pastki čałavieku, naha jakoha patrapiła pamiž ciahnikom i pieronam.
Jak piša abc.net.au, incydent adbyŭsia ranicaj 6 žniŭnia a 8:50, na sychodzie hadziny pik.
Padčas pasadki na ciahnik adzin z pasažyraŭ stajaŭ u dźviarach vahona, i jaho naha saśliznuła ŭ prajom pamiž vahonam i pieronam.
Paśla taho, jak ludzi papiaredzili mašynista, supracoŭniki stancyi paprasili ŭsich pasažyraŭ nachilić ciahnik, kab vyciahnuć paciarpiełaha. Paśla pary sprob natoŭpu ludziej udałosia nachilić vahony ciahnika, što i dazvoliła čałavieku vybracca. Mužčynie ŭdałosia paźbiehnuć traŭmy. Choć «chutkuju» i vyklikali, u balnicu jon nie pajechaŭ.