Łukašenka: My, z Pucinym i Nazarbajevym, hatovy pravieści sustreču z Parašenkam u Minsku

14.08.2014 / 14:37

Alaksandr Łukašenka, Uładzimir Pucin i Nursułtan Nazarbajeŭ hatovyja pravieści ŭ Minsku sustreču z prezidentam Ukrainy Piatrom Parašenkam dla abmierkavańnia aktualnych pytańniaŭ. Pra heta zajaviŭ siońnia A.Łukašenka ŭ čas naviedvańnia Biarozaŭskaj HRES.

«Usie hatovyja pryjechać u Minsk. Vykazalisia navat za toje, kab niejki inšy bok, dapuścim, Jeŭrapiejski sajuz, ZŠA, kali jany zacikaŭlenyja ŭ narmalizacyi situacyi — ekanamičnaj, vajennaj i palityčnaj,— davajcie siadziem u Minsku i pahavorym. My nikoha nie adkidajem. Heta ahulnaja pazicyja troch prezidentaŭ Jeŭrazijskaha ekanamičnaha sajuza», — skazaŭ kiraŭnik biełaruskaj dziaržavy.

«Čakajem. Zachoča Ukraina abmiarkoŭvać hetyja pytańni — sardečna zaprašajem», — adznačyŭ Alaksandr Łukašenka.

BiełTA