Uładzimier Savič — novy staršynia Sajuzu mastakoŭ
U Miensku prajšoŭ 19-ty spravazdačna‑vybarčy źjezd Sajuzu mastakoŭ. Hałoŭnym punktam prahramy źjezdu było abrańnie novaha staršyni.
28.11.2007 / 21:10
Uładzimier Savič |
Pa vynikach pieršaha turu hałasavańnia ŭ nastupny vyjšli mastak Uładzimier Savič i skulptar Alaksandar Draniec. U druhim tury ź pieravahaj usiaho ŭ dva hałasy pieramoh Savič.
Mastak z tvorčaj supołki «Pahonia» Alaksiej Maračkin vitaje abrańnie na staršynstva Saviča: «Heta samadastatkovy čałaviek, jaki dumaje pra budučyniu vyjaŭlenčaha mastactva. Zadavoleny, što nie pieramahli skulptary», — skazaŭ A.Maračkin.
Sam Uładzimier Savič svajo abrańnie tak: «Usia maja pieradvybarčaja kampanija hruntavałasia na pavazie i pašanie da tvorčaści i mastactva. Spačatku vielmi chacieŭ uznačalić Sajuz, a zaraz navat trochu spałochaŭsia. Ciapier budu vyvučać sytuacyju, kab viedać, jakaja spadčyna mnie zastałasia», — U.Savič.
***
Uładzimier Savič (1952, vioska Chatavičy, Mienščyna) hrafik, ilustratar, pedahoh. Skončyŭ škołu‑internat imia I. Achremčyka ŭ 1970 hodzie. Paźniej, u 1976 — Biełaruski teatralna‑mastacki instytut, dzie j zastaŭsia vykładać sam. Zasłužany dziajač mastactvaŭ Biełarusi. Ad 1996 hodu prafesar. Tvory źbierahajucca ŭ kalekcyjach Biełarusi, Polščy, Finlandyi, Rasiei j Słavaččyny.