Vice-premjer Dvarkovič pryznaŭ mahčymaść Biełarusi pradavać Rasii zabaronienyja pradukty
18.08.2014 / 17:56
Vice-premjer Rasii Arkadź Dvarkovič skazaŭ, što krainy Mytnaha sajuza zmohuć zarabić na ŭviedzienym Rasijaj embarha na pastaŭku praduktaŭ ź JeS, ZŠA i inšych krain, paviedamlaje «Interfaks».
Vice-premjer skazaŭ, što Biełaruś i Kazachstan mohuć zarabić na pierapracoŭcy syraviny i pastaŭki hatovaj pradukcyi ŭ Rasiju.
«Viadoma, našy kalehi pa Mytnym sajuzie mohuć vyjhrać u hetaj situacyi, bo ŭ ich budzie pierapracoŭvacca častka toj pradukcyi, jakaja raniej išła naŭprost da nas. Buduć pastaŭlać nam užo pierapracavanuju pradukcyju», — zajaviŭ Dvarkovič.
Nahadajem, što z 7 žniŭnia ŭ Rasii dziejničaje hadavaja zabarona na pastaŭku niekatorych vidaŭ sielskahaspadarčaj pradukcyi ź JeS, ZŠA, Aŭstralii, Kanady i Narviehii.