Сямашка і Дварковіч абмеркавалі ў Маскве інтэграцыйныя праекты

18.09.2014 / 21:24

Чарговая сустрэча першага намесніка прэм'ер-міністра Беларусі Уладзіміра Сямашкі і намесніка старшыні ўрада Расіі Аркадзя Дварковіча прайшла сёння ў Маскве, паведамілі ў беларускім пасольстве ў Расіі.

«У час размовы абмяркоўваліся пытанні прасоўвання сумесных інтэграцыйных праектаў і далейшага прыняцця мер, накіраваных на забеспячэнне роўных канкурэнтных умоў у частцы паставак тавараў на рынак краін Мытнага саюза», — паведамілі ў пасольстве.