Idzie pieratrus na ofisie demakratyčnych prafsajuzaŭ
Siarod zatrymanych adzin ź lideraŭ pradprymalnickaha ruchu Alaksandar Makajeŭ i moładzievy aktyvist Aleh Korban.
06.12.2007 / 22:22
U ofisie demakratyčnych prafsajuzaŭ, jaki znachodzicca pa adrasie Jakubava,80, ad 20:20 prachodzić pieratrus. Jaho pravodziać šaściora supracoŭnikaŭ milicyi. Zaraz na ofisie znachodziacca adzin ź lideraŭ pradprymalnickaha ruchu Alaksandar Makajeŭ, moładzievyja aktyvisty Aleh Korban, Mikoła Sierhiejenka i Nadzieja Sińkievič. Nikoha nie vypuskajuć.
Milicyjanty znajšli piać tysiač ulotak z zaklikam pryjści na pradprymalnicki mitynh 10 śniežnia. Najchutčej, što hetyja drukavanyja vydańni buduć kanfiskavanyja. U milicyjantaŭ taksama jość pretenzii da niekatoraj techniki, što znachodzicca ŭ ofisie.