У цэнтры Варшавы вывесілі вялікі нацысцкі сцяг
02.10.2014 / 09:35
На будынку варшаўскага Палаца навукі і тэхнікі на некалькі гадзін з'явіліся сцягі краін «восі» часоў Другой сусветнай вайны — нацыскай Германіі, фашысцкай Італіі і мілітарысцкай Японіі.
Як перадае польскі тэлеканал Kontakt24, сцягі былі размешчаны на адной з славутасцяў польскай сталіцы
для здымак фільма.
Сцягі вывесілі напярэдадні ў непрацоўны час — пасля 17:00.
Журналістам распавялі, што здымаецца фільм «Персона нон грата», аднак аб падрабязнасцях карціны распавядаць адмовіліся.