Двое расіянаў арыштаваныя за пашкоджанне Акропаля
05.10.2014 / 19:50
ria.ru
Паліцыя Грэцыі арыштавала двух маладых людзей за пашкоджанне сцяны афінскага Акропаля. Затрыманыя — 23-летніяі грамадзяне Расіі, іх імёны не ўдакладняюцца, перадае Associated Press.
Паводле звестак паліцыі, маладыя людзі, ігнаруючы папярэджанні ахоўніка, ускараскаліся на сцяну Акропаля і пачалі выконваць фізічныя практыкаванні.
У ходзе іх трэніроўкі са сцяны абваліліся некалькі камянёў.
Пасля гэтага да месца здарэння прыбылі супрацоўнікі паліцыі, якія затрымалі расіянаў за пашкоджанне археалагічных раскопак.
У бліжэйшы час маладыя людзі паўстануць перад судом. З якой мэтай яны здзейснілі правапарушэнне, не паведамляецца.