Biełarusy trymajuć u bankach 10 tryljonaŭ
Pavodle apošnich źviestak, na 1 śniežnia ŭ siarednim na adnaho biełarusa prychodziłasia 1 miljon 55 tysiač rubloŭ va ŭkładach, abo ŭ dalaravym ekvivalencie — 490,2 dalara ZŠA.
12.12.2007 / 10:18
Na pačatak śniežnia ŭkłady nasielnictva respubłiki ŭ biełaruskich bankach u pierarazłiku na nacyjanalnuju valutu ŭpieršyniu pierasiahnułi miažu ŭ 10 tryljonaŭ rubloŭ, paviedamiŭ karespandentu «Źviazdy» pres‑sakratar Nacyjanalnaha banka Biełarusi Michaił Žuravovič.
Z pačatku hetaha hoda ŭkłady paviałičyłisia amal na 2,3 tryljona rubloŭ, abo na 29,2 pracenta. Heta pry tym, što asnoŭnymi napramkami hrašova‑kredytnaj pałityki praduhledžvałasia, što ŭkłady nasielnictva paviałičacca za hod na 1,7—2 tryljony. Na pačatak śniežnia ŭ nacyjanalnaj valucie ŭkłady skłałi 6,4 tryljona rubloŭ, a ŭ zamiežnaj — 1,7 miljarda dołaraŭ ZŠA.
Biełarusy addajuć pieravahu biełaruskamu rublu, tamu što nie pieršy hod pravodzicca i ŭ dalejšym zastaniecca niaźmiennaj pracentnaja pałityka, jakaja nakiravana na zabieśpiačeńnie bolš pryvabnych umoŭ pa źbieražeńniach mienavita ŭ biełaruskich rublach. Heta značyć, pracentnaja staŭka rublovaha ŭkładu pavinna prynosić układčyku bolšy dachod, čym zachoŭvańnie valutnaha ŭkładu.
Pavodle apošnich danych, na 1 śniežnia ŭ siarednim na adnaho biełarusa prychodziłasia 1 miljon 55 tysiač rubloŭ va ŭkładach, abo ŭ dołaravym ekvivalencie — 490,2 dołara ZŠA. Uzhadaju, što na pačatak hoda — 1 studzienia — u siarednim na adnaho žychara respubłiki prychodziłasia 820 tysiač rubloŭ źbieražeńniaŭ, što było ekvivalentna 384,6 dołara. Taki rost śviedčyć pra toje, što ludzi daviarajuć pracentnaj pałitycy, što pravodzić hałoŭny bank. Da taho ž, zaznaču, aktyŭnaść u pryciahnienni srodkaŭ prajaŭlajuć i banki, jakija pastajanna ŭdaskanalvajuć svaju rabotu: jany adkryvajuć nie tolki novyja vidy ŭkładaŭ na pryvabnych umovach, ale i madyfikujuć dziejučyja vidy depazitaŭ.