У Мінску з 3 лістапада зменіцца маршрут аўтобуса №108
21.10.2014 / 16:22
У Мінску ў сувязі са шматлікімі зваротамі грамадзян і з мэтай стварэння дадатковых транспартных сувязей з 3 лістапада зменіцца траса аўтобуснага маршруту нумар 108 «АС Аўтазаводская — Гатава», паведамілі ў дзяржаўнай установе «Сталічны транспат і сувязь».
Рух аўтобусаў ад прыпыначнага пункта «Галадзеда» да «ДС Чыжоўка» будзе арганізаваны па вуліцах Галадзеда, Ташкенцкай, Убарэвіча з выкананнем на названым участку прыпынкаў «ДС Чыжоўка-1», «Ташкенцкая» ў абодвух напрамках. З трасы маршруту будуць выключаны прыпыначныя пункты «10-я бальніца» і «Аўтастаянка».