У Гомелі 32-гадовы мужчына выкінуўся з 12-га паверха
12.11.2014 / 15:25
Каля 10.00 12 лістапада на праспекце Кастрычніка 32-гадовы гамяльчанін выкінуўся з агульнага балкона лесвічнай пляцоўкі 12-га паверха шматпавярховага дома. Мужчына памёр на месцы, да прыезду «хуткай».
Як паведамілі ў Гомельскім гарадскім аддзеле Следчага камітэта, па факце смерці праводзіцца праверка.
На гэты момант вядома толькі тое, што загінулы доўгі час знаходзіўся ў дэпрэсіі. Прызначана судова-медыцынская экспертыза. Паводле папярэдняй інфармацыі мужчына здзейсніў свой учынак цвярозым.