U Rasii zabaranili «Pravy siektar» i UNA-UNSO
17.11.2014 / 14:33
Rasijski Viarchoŭny sud pryznaŭ u paniadziełak ukrainskija arhanizacyi «Pravy siektar» i UNA-UNSO ekstremisckimi, zabaraniŭšy ich dziejnaść u Rasii.
«Pazoŭ Hienprakuratury Rasii ab pryznańni Ukrainskaj nacyjanalnaj asamblei — Ukrainskaj narodnaj samaabarony (UNA-UNSO) i «Pravaha siektara» ekstremisckimi arhanizacyjami i zabaronie ich dziejnaści na terytoryi Rasii padlahaje padtrymcy», — skazaŭ suddzia.
Praces prachodziŭ u zakrytym režymie — materyjały spravy majuć hryf «sakretna».
Arhanizacyja UNA-UNSO źjaviłasia va Ukrainie ŭ pačatku 1990-ch. U sakaviku 2014 hoda Śledčy kamitet Rasii pačaŭ kryminalnuju spravu ŭ dačynieńni da hramadzian Ukrainy, jakija byli ŭ šerahach UNA-UNSO.
Siarod ich byŭ šerah lidaraŭ nacyjanalnaha ruchu: Dźmitryj Karčynski, braty Aleh i Andrej Ciahniboki i Dźmitryj Jaraš, jaki taksama źjaŭlajecca kiraŭnikom «Pravaha siektara».