КДБ Беларусі закупляе больш за 16 тысяч пасведчанняў для супрацоўнікаў
Адпаведная заяўка была зарэгістраваная КДБ на партале дзяржзакупак 27 лістапада. На друк 16500 пасведчанняў выдзелены 461 мільён бюджэтных рублёў.
01.12.2014 / 01:01
Непасрэдна цэнтральнаму апарату КДБ патрабуюцца 5000 бланкаў, шасці рэгіянальным упраўленням — па 1500 штук кожнаму.
Патрабаванні да пасведчанняў такія: «Бланк пасведчання супрацоўніка Камітэта дзяржаўнай бяспекі Рэспублікі Беларусь: памер вокладкі пасведчання 195х65мм; скура чырвонага колеру з сімволікай (герб)».
Акрамя цэнтральнага апарата КДБ і яго абласных упраўленняў, пасведчанні атрымае і вайсковая контрвыведка. Для контрразведчыкаў замоўлена 1500 пасведчанняў.
Яшчэ 1000 бланкаў пасведчанняў заказваюць для Інстытута нацбяспекі — вышэйшай навучальнай установы КДБ.
У гэтай ВНУ наўрад ці можа быць аж такая колькасць супрацоўнікаў. Відаць, што «корачак» друкуюць з запасам.