U 2007 h. pa-biełarusku vyjšła 7,6 % knih, vypuščanych u krainie
I heta pry tym, što dziaržaŭnyja vydaviectvy skaracili ŭ 2007 h. vypusk knih na biełaruskaj movie.
17.01.2008 / 20:00
Adnak, pavodle jaho słoŭ, za hety ž pieryjad na 17% skaraciŭsia nakład vypuščanych biełaruskamoŭnych vydańniaŭ. «Jany składajuć tolki 7,58% ad usioj kolkaści najmieńniaŭ knih, što vyjšli ŭ Biełarusi, a pa nakładzie — 7,63% ad ahulnaha nakładu vydańniaŭ», — skazaŭ I.Łapcionak. Razam z tym, pavodle jaho słoŭ, šeść dziaržaŭnych vydaviectvaŭ krainy skaracili za hety pieryjad vypusk knih i brašur na biełaruskaj movie: pa najmieńniach — na 7,6%, pa nakładzie — na 35%.
Jak zaznačyŭ namieśnik ministra, pry značnym skaračeńni dziaržaŭnych asihnavańniaŭ u halinu (na 14,4%) u 2007 hodzie ŭ paraŭnańni z pazaminułym hodam udałosia prykmietna pavialičyć kolkaść sacyjalna značnych vydańniaŭ (pa najmieńniach — na 27%, pa nakładzie — na 95%), jakija nakiroŭvajucca ŭ hramadskija biblijateki krainy pa lhotnych cenach i biez handlovaj nadbaŭki. «Adnak školnyja biblijateki pakul niedastatkova nasyčany sučasnaj litaraturaj z‑za deficytu srodkaŭ na jaje nabyćcio», — skazaŭ namieśnik ministra. Pavodle jaho słoŭ, hetuju prablemu praduhledžvajecca vyrašyć sioleta.
Jak paviedamiŭ I.Łapcionak, z 6 pa 10 lutaha ŭ Minsku, u nacyjanalnym vystavačnym centry «BiełEkspa» (vuł. Ja.Kupały, 27), adbudziecca XV Minskaja mižnarodnaja knižnaja vystava‑kirmaš «Knihi Biełarusi — 2008», hanarovym hościem jakoj budzie Dziaržava Izrail.