Polšča patrabuje ad RF vydać abłomki samalota, jaki raźbiŭsia pad Smalenskam
24.02.2015 / 21:38
Polšča nakiravała ŭ rasiejski MZS notu z patrabavańniem vydać abłomki samalota Tu-154M, jaki raźbiŭsia pad Smalenskam u krasaviku 2010 hoda.
Pra heta paviedamlaje ahienctva RAR sa spasyłkaj na dypłamatyčnyja krynicy.
Jak adznačajecca, rasijski bok uziaŭ čas da kanca sakavika, kab adkazać na notu.
Akramia taho, u sakaviku ŭ Rasiju prybudzie delehacyja palakaŭ, jakija zojmucca detalami pomnika na miescy katastrofy.
10 krasavika hetaha hoda spoŭnicca 5 hadoŭ z momantu avijakatastrofy, u jakoj zahinuli 96 čałaviek, uklučajučy prezidenta Lecha Kačyńskaha.
Varta adznačyć, što, pavodle infarmacyi krynic, u kancy hetaha abo ŭ pačatku nastupnaha hoda ŭ Rasiju prybudzie delehacyja polskich ekśpiertaŭ dla tłumačeńnia pytańniaŭ, źviazanych z majomaściu dypłamatyčnych ustanoŭ Polščy i Rasii.