Іранцу, што зьняважыў прарока Мухамэда, далі тры гады турмы
Cуд асудзіў кіраўніка фэдэрацыі настаўнікаў Ірану на тры гады турэмнага зьняволеньня за зьнявагу прарока Мухамэда.
22.01.2008 / 20:48
Настаўнік быў арыштаваны ў сакавіку 2007 г. за ўдзел у падрыхтоўцы экзаменацыйных пытаньняў, якія былі прызнаныя недастаткова карэктнымі ў дачыненьні да прарока. Імя і асуджанага і падрабязнасьці яго справы не паведамляюцца
Іран — ісламская краіна, правасудзьдзе якой заснавана на законах шарыяту.
Нагадаем, што на мінулым тыдні рэдактар менскай газэты «Згода» атрымаў тры гады калёніі ўзмоцненага рэжыму за перадрук дацкіх карыкатураў на прарока Мухамэда.