Няправільная паркоўка можа стацца залатой
Мінскія даішнікі дамовіліся з таемнай камэрцыйнай фірмай, якая будзе займацца эвакуацыяй машын зь месцаў няправільнай паркоўкі па коштах, вышэйшых у 15 разоў за кошты «міліцэйскіх» эвакуатараў.
23.01.2008 / 11:17
Мінскія даішнікі дамовіліся з таемнай камерцыйнай фірмай, якая будзе займацца эвакуацыяй машын з месцаў няправільнай паркоўкі па коштах, вышэйшых у 15 разоў за кошты «міліцэйскіх» эвакуатараў. І выкупляць машыны кіроўцам давядзецца не са штрафстаянак, а ў гэтай жа фірмы.
З улікам такога кошту эвакуацыі няправільная паркоўка можа выліцца ў суму каля 330 тысяч рублёў.
Больш за тое, кіроўца ня зможа самастойна забраць машыну са штрафстаянкі. А толькі тады, калі ім дазволіць гэта зрабіць фірма‑эвакуатар.