Banier z partretam Sabčak i niecenzurnymi słovami vyviesili ŭ Maskvie
24.03.2015 / 20:56
Banier vyšynioj vosiem mietraŭ z partretami televiadučaj Ksienii Sabčak i akciora Maksima Vitarhana i nadpisam «Vy hatovyja apłačvać takuju kulturu?» paviesili nasuprać maskoŭskaha Teatra Nacyj. Inicyjatyva naležyć aktyvistam art-placoŭki «Hłavpłakat.ru», paviedamlajecca na jaje sajcie.
Na płakacie nadrukavanaja cytata, jakaja nibyta naležyć Sabčak i šyroka raspaŭsiudziłasia ŭ internecie ŭ krasaviku 2013 hoda. Tady ŭ siecivie zjaviłasia aŭdyjozapis telefonnaj razmovy, jaki byccam by adbyŭsia pamiž televiadučaj i supracoŭnicaj domaŭpraŭleńnia. Pad partretam Vitarhana na płakacie raźmieščana inšaja cytata — pra kamientataraŭ i dust.
Padobna na toje, što banier staŭ reakcyjaj na teatralny debiut Ksienii Sabčak. Jak stała viadoma raniej, za rolu svaćci ŭ hohaleŭskim śpiektakli «Žanićba» ŭ Teatry Nacyj Sabčak zapłacili 362000 rubloŭ z rasiejskaha biudžetu.