Minhandlu prypyniła dziejnaść šaści mahazinaŭ «DorOrs»
27.03.2015 / 16:57
Ministerstva handlu pryniało rašeńnie ab prypynieńni dziejnaści šaści mahazinaŭ AAT «DorOrs» u Oršy, Baranavičach i Vaŭkavysku, paviedamiła pres-słužba viedamstva. Na ŭstaranieńnie parušeńniaŭ kiraŭnictvu sietki adviedziena siem dzion.
Jak rastłumačyli ŭ Minhandli, z 23 sakavika pravodzicca pravierka sietki.
«Padčas raspačatych kantrolnych mierapryjemstvaŭ užo zafiksavanyja šmatlikija parušeńni handlovaha zakanadaŭstva, u tym liku nievykanańnie asartymientnych pieralikaŭ, adsutnaść peŭnaj infarmacyi dla spažyŭcoŭ pra tavary i ich vytvorcaŭ, rekłama ałkaholu i inš. Akramia taho, amal u kožnym handlovym abjekcie ŭstanoŭlenyja fakty realizacyi praterminavanaj ci niebiaśpiečnaj pradukcyi», — adznačyli ŭ ministerstvie.