Матч Чарнагорыя — Расія быў адменены з-за паводзінаў фанатаў
28.03.2015 / 09:28
AP
Матч адборачнага цыклу чэмпіянату Еўропы па футболе 2016 паміж зборнымі Чарнагорыі і Расіі адменены ў сувязі з тым, што мясцовыя заўзятары зноў выкарыстоўвалі піратэхніку.
У першы раз сустрэча была спынена на першай хвіліне, пасля таго як запушчаны з трыбун стадыёна ў Падгорыцы фаер трапіў у галкіпера расійскай зборнай Ігара Акінфеева.
Матч быў спынены, аднак аднавіўся праз 40 хвілін. Дыктар па стадыёне тады паведаміў, што ў выпадку паўтарэння інцыдэнту гульня будзе канчаткова спынена.
У выніку інцыдэнту Акінфееў атрымаў страсенне мозгу і быў адпраўлены ў Клінічны цэнтр Чарнагорыі.
Згодна з рэгламентам УЕФА, зборнай Чарнагорыі па футболе можа быць залічана тэхнічнае паражэнне з-за няздольнасці гарантаваць бяспеку гульні.