Прарасійскія «казакі» зладзілі ваенныя зборы для падлеткаў пад Гроднам ФОТЫ
шмат фота!
На сайце «казакоў» з'явіліся фотаздымкі «палявых заняткаў», праведзеных інструктарамі «ваенна-патрыятычнага цэнтра «Казачы спас» з беларускімі падлеткамі.
07.04.2015 / 21:04
На апублікаваных фота відаць падлеткаў у камуфляжы і са зброяй у руках. Некаторыя з іх у берэтах з праваслаўным крыжам.
Пад кіраўніцтвам «казакоў» гэтыя дзеці адпрацоўваюць пэўныя баявыя сітуацыі. Пры гэтым на выгляд удзельнікам «палявых заняткаў» 13—15 гадоў.
Як адзначаецца на «казацкім» рэсурсе, у гэты раз «праграма заняткаў была шырокай і вельмі насычанай як фізічна, так і эмацыйна».
Удзел у гэтых «вучэннях», паводле сайта, узялі сябры праваслаўных ваенна-патрыятычных клубаў «Славяне» з Гродна і шчучынскай «Дружыны». Самі ж заняткі адбыліся 21 сакавіка дзесьці пад Гроднам.