Čech zasnavaŭ u Jeŭropie dziaržavu i abviaściŭ siabie prezidentam
15.04.2015 / 21:58
Siabra Partyi svabodnych hramadzian Vit Jedlička zasnavaŭ na ničyjnaj terytoryi pamiž Sierbijaj i Charvatyjaj dziaržavu Svabodnaja respublika Libierłend (Liberland) i abviaściŭ siabie jaje prezidentam.
Ściah Libierłenda. Fota: fejsbuk Vita Jedlički
«Padrychtoŭčy kamitet nadzialiŭ prezidenta paŭnamoctvami paviedamić z dapamohaj dypłamatyčnych not ab uźniknieńni dziaržavy nie tolki susiednim krainam, ale i AAN i ŭsiamu śvietu», — paviedamiŭ Jedlička ŭ pres-relizie.
Płošča dziaržavy Libierłend składaje 6 kvadratnych kiłamietraŭ, «zacisnutych» pamiž Sierbijaj i Charvatyjaj, jakija, pa śćviardžeńni Jedlička, na hetuju terytoryju nie pretendujuć.
Deviz Libierłenda — «Žyvi i daj žyć inšym».
«Zasnavalniki novaj dziaržavy chočuć stvaryć tavarystva, dzie hodnyja ludzi mohuć žyć bieź lišnich dziaržaŭnych zabaron i padatkaŭ. Našy ideały — Manaka, Lichtenštejn i Hankonh», — zajaviŭ Jedlička.
Pavodle jaho słoŭ, jon užo atrymaŭ dziasiatki prašeńniaŭ ab hramadzianstvie Libierłenda. Umova jaho atrymańnia nastupnaja: čałaviek nie pavinien być kamunistam, nacystam ci inšym ekstremistam.
U svaim fejsbuku Vit Jedlička napisaŭ, što padatki ŭ Libierłendzie buduć vyklučna dobraachvotnymi.