Сіноптыкі перадалі штармавое папярэджанне на 20 красавіка — зноў моцны вецер
19.04.2015 / 18:39
Чарговае штармавое папярэджанне перадаў Рэспубліканскі гідраметэацэнтр.
20 красавіка ў многіх раёнах краіны і Мінскай вобласці чакаецца ўзмацненне ветру парывамі да 15—20 м/с. У Мінску раніцай і днём парывы таксама дасягнуць 15—20 м/с.
Тэмпература паветра ў сталіцы ноччу 1—3, днём 5—7 градусаў вышэй за нуль, дождж, мокры снег. Атмасферны ціск, які ў 15 гадзін 19 красавіка складаў 738 мм (крыху ніжэй за норму), ноччу будзе падаць, днём — узрастаць.