«Amnesty International» zaklikaje vyzvalić Zdźvižkova
Mižnarodnaja pravaabarončaja arhanizacyja «Amnesty International» zaklikaje da nieadkładnaha vyzvaleńnia byłoha namieśnika hałoŭnaha redaktara hazety «Zhoda» Alaksandra Zdźvižkova.
11.02.2008 / 08:50
Alaksandar Zdźvižkoŭ |
Mižnarodnaja pravaabarončaja arhanizacyja «Amnesty International» zaklikaje da nieadkładnaha vyzvaleńnia byłoha namieśnika hałoŭnaha redaktara hazety «Zhoda» Alaksandra Zdźvižkova.
18 studzienia Zdźvižkoŭ byŭ asudžany na try hady turmy za «padbuchtorvańnie da rasavaj, nacyjanalnaj i relihijnaj varožaści».
Pavodle «Amnesty International», Zdźvižkoŭ jość «viaźniem sumleńnia», a pieradrukavanyja im ź internetu ŭ hazecie karykatury na praroka Muchameda — «zvyčajnaja realizacyja svabody na samavyjaŭleńnie». Jak padkreślivaje ŭ svaim zvarocie hetaja mižnarodnaja pravaabarončaja arhanizacyja, suprać prysudu žurnalista navat vystupiła kiraŭnictva abjadnańnia musulmanaŭ Biełarusi.
«Amnesty International» zaklikaje žycharoŭ roznych krain śvietu, jakija nieabyjakavyja da losu biełaruskaha žurnalista, dasłać jamu listy padtrymki niepasredna ŭ mienski śledčy izalatar, a taksama dasłać patrabavańni ab vyzvaleńni Zdźvižkova biełaruskamu prezydentu, hieneralnamu prakuroru i ministru ŭnutranych spraŭ.
Jak vynikaje sa zvarotu «AI», biełaruskim uładam treba nahadać pra mižnarodnyja abaviazańni harantyjaŭ prava na svabodu vyjaŭleńnia, schodaŭ i arhanizacyjaŭ, pad jakimi ŭ svoj čas padpisałasia Biełaruś.